Helyna Wiktoryjŏ, tom 02: Kusiki

Śląska edycja komiksu Helena Wiktoria, uszlachetniona i w powiększonym formacie.

Bytōm, rok 1885.

Helyna Wiktoryjŏ Kocikowŏ wrŏcŏ ku familiji, już majoryntnŏ kobiyta, erbka ôd magnata industryje Stanisława Krolla. Kej panna Kocikowŏ zjawiŏ sie na salōnach choby idyalnŏ kandydatka na żōnã, moc ludzi prōbuje jã przekōnać do wydaniŏ. Mimo ôczekowań jeji familije, Helyna niy dŏwŏ ale pozoru na zaaranżowane zaślubiny z grŏfym Kōnstantym Scholzym, a na pracã we familijnyj fiyrmie. Kobiyta walczy ô swōj plac postrzōd dyrechtorōw a forsztandu, Kōnstanty prōbuje zdobyć uznanie ôd ślōnskij milijōnerki, a Artur Wilk stawiŏ sie pytanie, co ôn isto chce zrobić w swojim żywobyciu.